Харыызы: Туберкулез аарыы-биле аарывас дизе, кадык амыдыралды чорудары эргежок чугула. Быжыг кадыкшылга кадык нерв системазы херек, чүге дизе стресстерден чайлаары чугула.
Чем чедимчелиг болур ужурлуг база чогуур хемчээлдиг белоктарлыг. Кадыкшылды деткииринге чугула байдал – хүннүң-не кадык күш-шыдал ажыл. Доозуннуг, агаарлаттынмаан өрээлдер туберкулез батерияларын нептередиринге дузалаар. Аарыгны болдурбас дизе, өрээлдерни агаарладыры чугула.
Туберкулезту эрте дээре илередип тодарадыр аргалар:
- Флюорографтыг шинчилге (15 хардан өрү);
-иммунодиагностика (17 харга чедир уругларга);
-бактериологтуг арга (дүкпү шинчилгези).
Флюорографтыг шинчилгелер — улуг улустуң база уругларның туберкулез аарыының эге чадазын илередир кол болгаш амдыызында чаңгыс-ла арга. Шинчилгени чылдың-на эртери эргежок чугула.
Сактып алыңар, шинчилгеден ойталаары долгандыр турар улусту аартырынга чедирер, аарыгның берге хевирлеринче шилчи берген таварылгаларны илередир, а ооң уржуунда инвалид артып калыр азы өлүр чорукка чедирип болур, кажан үе-шаанда тодараткан туберкулез аарыы долузу-биле эмнетттине бээр.
Үезинде илереттинген аарыг эге чадазында долузу-биле эмнеттинип болур, а ооң-биле кадыкшылды эгидип ап база анаа амыдыралдың “агымынче” кирип болур.
#ПротивотуберкулезныйДиспансерТыва
#профилактикатуберкулеза
#вопрос_ответ
#ГодЗдоровья_в_Туве
