Холестерин организимниң өй-тап ажылдаарынга улуг ужур-дузалыг үс, ол колдуунда баарга тыптыр.
Холестеринниң 80 хире хуузун кижиниң организми (баар, ижин-хырын, бүүректер) ажылдап үндүрүп турар, 20 хире хуузу чиген аъш-чем аймаандан үнүп келир.
Кижиниң ханында холестерин 3,6моль/л-ден 7,8ммоль/л чедир өскерлип турар. Холестеринниң эң-не таарымчалыг азы чогумчалыг деңнели — 5 ммоль/л-ден эвээш болур.
Холестеринниң ажыы чүдел?Клетка картын (мембраназын) хевирлээринге кончуг дузалыг;
Клеткаже кандыг молекуларлар эртерин болгаш эртпезин тодарадырынга чугула
Гормоннар бүдүреринге база чем хайылдырарынга эргежок чугула.
Холестеринниң деңнели бедик болза, чүү болу бээрил?
Атеросклероз — артерия (хан дамыры) чыырлып, чиңгелеп тарлаар азы борбак үс-биле азы борбакталы берген хан-биле дуглалы бээр.
Холестеринниң бедий бээр чылдагааннары:
➢ Аъш-чем — холестеринниң кол үндезиннери: дагаа чуургазы, бүүрек, кызыл эът, үске быжырып каан хуужуурлар, ыштап каан колбаса, кадыг быштактар, чаг, ак хлеб, торт, бисквит, печенье.
➢ Шоолуг шимчевес амыдырал — зарядка кылбас, артык аар деңзилиг, семис, хостуг үезиниң хөй кезиин олура азы чыда эрттирери.
➢ Таакпы — хөй таакпылаар кижилерниң холестерини бедик болур.
➢ Арага — хөй арага аймаа ижип чоруур кижилерниң багай холестерини бедиир.
Ханда холестеринниң деңнели кандыг аргалар-биле эмнээрил?
➢ Күш сайзырадыр сула шимчээшкиннер, мергежилгелерни кылыр;
➢ Фруктыларны, ногаа аймаа, чарба суланы үргүлчү чиир;
➢ Норма ёзугаар уйгузун хандыр удуур (дүне 7-8 шак);
➢ Бодунуң деңзизин чогуур нормазынче киирер;
➢ Арага ижеринден ойталаар;
➢ Таакпылаарын соксадыр;
➢ Терапевт, кардиолог эмчилерниң сүмелээн эмнерин ижип, эмнениир.
Хоралыг холестеринни организимден кандыг чемнер үндүрүп турарыл?
。 Ногаа аймаа, фруктулар, кат-чимис аймаа.
。 Чарба далганындан кылган хлеб, ак, кызыл, чочак тараа (фасоль), ак-тараа далганы, арбай далганы, чиңге-тараа.
。 Хендир үзү, оливка үзү.
。Сула шишкиндизи (чарбазы) холестеринниң деңнелин кудуладыр, ындыг болганда суладан кылган продуктуларны чемге ажыглаары ажыктыг.
。Хайындырбаан чиг чеснокту чиирге, ханда холестерин эвээжээр.
。 Сүт аймаандан кылган чемнер: хойтпак, чөкпек, кумыс, тарак, курут, ааржы.
Материалды интернет четкизинден алган.
#ПротивотуберкулезныйДиспансерТыва
#зож
#ГодЗдоровья_в_Туве
#Неделя_ответственного_отношения_к_сердцу
