Тыва Дээди Хуралдың депутады Юрий Кара-оолду сөөлгү оруунче үдээн
Бөгүн, март 25-те, Кызылдың хоорай чевээнге ТР-ниң Дээди Хуралында комитет даргазы, хөй-ниитичи ажылдакчы, Афган дайынының хоочуну Юрий Валерьевич Кара-оолду орнукшуткан.
Ону сөөлгү оруунче төрээн кижилери, депутаттар, дайынчы эштери, улуг-биче даргалар болгаш хөй-ниити организацияларының төлээлери үдээн.
Баштай Улусчу чогаадылга бажыңынга хамааты хөөржүдүлге езулалы болуп эрткен. Оран-саваның ийиги каъды кижилер болгаш чечектер-биле долган. Чүс-чүс кижилер бир шак чартык үе иштинде чок болган кижи-биле чарлып алганнар. ТР-ниң Баштыңы Владислав Ховалыг, күрүне болгаш хөй-ниитичи ажылдакчылар Юрий Валерьевич Кара-оолдуң төрээн кижилеринге качыгдалдың сөстерин чугаалап турганнар.
ТР-ниң Дээди Хуралының Даргазы Кан-оол Даваа Юрий Валерьевич Кара-оол чонунга, республикага дыка хөй эки чүүлдерни кылганын чугаалааш, ооң ол ажылдарын чаңгыс чер чурттуглары утпас деп демдеглээн. «Бүгү амыдыралын төрээн Тывазынга болгаш улуг Россияга бараалгаткан. Быжыг тура соруктуг болгаш, чуртталгазының дүрүмнеринге өскерилге чок чурттап, ажылдап чораан кижи. Ооң дугайында чырык сактыышкыннар хөй санныг соңгукчуларының, чурттакчыларның чүректеринге мөңгеде артар» - деп, Кан-оол Даваа чугаалаан.
Тува попрощалась с депутатом Верховного Хурала Юрием Кара-оолом
Сегодня, 25 марта, в Кызыле простились с Юрием Валерьевичем Кара-оолом. Известного политика, общественного деятеля, ветерана Афганской войны, председателя Комитета Верховного Хурала по безопасности, правопорядку и приграничным вопросам похоронили с государственными почестями на городском кладбище. В последний путь Юрия Валерьевича провожали родные и близкие, коллеги-депутаты, боевые друзья, должностные лица республики, представители общественных организаций.
Днем в Доме народного творчества состоялась гражданская панихида. Второй этаж здания заполнен цветами. За полтора часа с усопшим пришли попрощаться сотни людей. Глава Республики Тыва Владислав Ховалыг, государственные и общественные деятели выражали слова соболезнований родным и близким Юрия Валерьевича.
Председатель Верховного Хурала Кан-оол Даваа сказал, что Юрий Валерьевич всю свою жизнь посвятил служению людям, родной Туве и великой России, оставив после себя плоды добрых дел, которые будут долго помнить люди. «Свой жизненный путь он прошел честно и достойно. Офицер Российской Армии, известный политический и общественный деятель, человек государственного масштаба – Юрий Валерьевич всегда был верен своим жизненным принципам, был примером человека с несгибаемой волей. Светлая память о нем навсегда сохранится в нашей памяти и благодарных сердцах огромного числа избирателей и людей, с кем он шел по жизненному пути», - отметил Кан-оол Даваа.
