ХӨЙ-НИИТИ ТРАНСПОРТУНГА АРГЫЖЫЛГА ӨРТЭЭН ӨСТҮРГЕН ЧЫЛДААГАНЫНЫҢ ДУГАЙЫНДА ТАЙЫЛБЫР

Сагындырып каалы, хөй-ниити транспортунга аргыжылга өртээ 23 рубльдан 28 чедир өскен. Аңаа таарзынмаан кижилер социал четкилерге хомудалдарын бижип турган. Хоорай чурттакчылары аргыжылга чорудуп турар хууда сайгарлыкчылардын шынарлыг ажылды негээн. Аргыжылга өртээн өстүрген чылдагаанын Тыва Республиканың өртектер өйлештирер албан чери дыңнаткан. Бо федералдыг күүселде албан чери өртектер өскертир харыысалгалыг. Аргыжылгага хамаарыштыр киирген өскерилгелерниң чылдагааннары элээн каш. Кывар-чаар материалдар болгаш автотранспорт септээриниң өртектери өскен. Автомашиналар эргижирээн болгаш дораан үрелир. «Ылаңгыя кышкы үеде чарыгдалдар үш катап өзүп турар. Ынчангаш аргыжылга өртээн өстүрер ужурга таварышкан. Эргижирээн автомашиналарны септээрге хөй чарыгдал үнер», - деп хууда сайгарлыкчылар чугаалап турар. Ооң аңгыда автобүдүрүлгениң ажылдакчыларының шалыңын база өстүрген. Аштакчылар, механиктер, слесарьлар, чолаачыларның акша-шалыңын база үе-шаанда чедимчелиг үндүрер ужурлуг. «Чаа доктааттынган өртектер-биле чолаачының болгаш кондукторнуң шалыңын күш-ажыл хоойлузу ёзугаар төлеп турар», - деп Тыва Республиканың өртектер өйлештирер албан чериниң удуртукчузу Елена Бочарова дыңнаткан. Чоокта чаа хоорайның автопарыгынга амгы үениң чаа автобустары немешкен. Ол автобустарның ажыглалынга база хөй чарыгдалдар негеттинер. Бир эвес бо автомашиналарны ооң мурнунда ышкаш септээр болза, улуг чарыгдалдарга таваржып болур. Кызылдың чагыргазы тускай комиссияны тургускан. Ук комиссия пассажирлер аргыштырылгазының чурумун доктаамал хынаар. Автобустарның график ёзугаар халдып турарын болгаш автосалоннуң арыг-силиин база көөр. Баштайгы рейдилер эрткен неделяда болган. Аргыжылга чурумун хажыткан сайгарлыкчылар-биле керээни хоорай чагыргазы дарый соксадыр. Чаа доктаатынган аргыжылга өртээ 28 рубль чуртта эң куду деңнелде болуп турар. Сибирьниң хоорайларында өртектер 30-ден 35 рубль чедип турар. «Чижеглээрге, Каа-Хем суурдан Сукпакка чедир 46 километр чеде бээр. Сөөртүкчүлерге чаңгыс долгандыр халдыырда эвээш дизе 30 километр болза эки. Оон башка улуг чарыгдалга таваржып болур. Өске хоорайларга бодаарга Кызылда пассажирлер саны хөй эвес. Чолаачылар колдуунда даң бажында азы кежээ ажыл шагының соонда хайымныг үеде акша ажылдап ап турар, арткан үеде автобустар долбас, куруг чыгыы халдып турар», - деп чолаачылыр дыңнаткан. Кызылдын чагыргазының социал политика талазы-биле департаментизиниң доктаалы ёзугаар инвалид хамаатыларга, дайын хоочуннарынга, чок болган шеригжилерниң өг-бүлезиниң кежигүннеринге чиигелделерни кылган. Аргыжылга чорудуп турар сайгарлыкчылар 2020 чылдан тура берге байдалга таварышкан. Коронавирус дээш пандемия үезинде хоорай иштинге аргыжылганы хоруп турган. Ооң түңнелинде хөй санныг хууда сайгарлыкчылар, автобудурулгелер улуг каражага таварышкан. Чаа өртек хөй-ниити транспортунуң шупту хевирлеринге хамааржыр.




Источник:
27.02.2023 18:45

Ещё новости о событии:

ХӨЙ-НИИТИ ТРАНСПОРТУНГА АРГЫЖЫЛГА ӨРТЭЭН ӨСТҮРГЕН ЧЫЛДААГАНЫНЫҢ ДУГАЙЫНДА ТАЙЫЛБЫР - Сетевое издание В центре Азии
Февраль 19-тан тура Кызылга хөй-ниити транспортунга аргыжылга дээш өртээ 28 рубль чедир өзүп келген.
00:02 01.03.2023 Сетевое издание В центре Азии - Кызыл

ХӨЙ-НИИТИ ТРАНСПОРТУНГА АРГЫЖЫЛГА ӨРТЭЭН ӨСТҮРГЕН ЧЫЛДААГАНЫНЫҢ ДУГАЙЫНДА ТАЙЫЛБЫР

Сагындырып каалы, хөй-ниити транспортунга аргыжылга өртээ 23 рубльдан 28 чедир өскен.
18:45 27.02.2023 Администрация г.Кызыл - Кызыл
 
По теме
Социальной помощью могут воспользоваться следующие семьи: 1) Доход семьи ниже прожиточного минимума; 2) Наличие 4 и более несовершеннолетних детей; 3) Является правообладателем одного жилого помещения с печным отоплением.
Если ты молодой, инициативный и у тебя доброе сердце, если ты хочешь помочь обществу и ты неравнодушен к проблемам людей, тогда вступай к нам в Штаб волонтеров города Кызыла!
15 и 16 марта 2023 года работниками Военного комиссариата г. Кызыла и аппаратом Комиссии Мэрии г. Кызыла по бронированию граждан, пребывающих в запасе в соответствии с утвержденным Планом подготовки должностных лиц,
 
Город
 
Происшествия
Департамент региональной безопасности Правительства Тувы представил Главе региона предварительные итоги о состоянии преступности на территории республики за январь и февраль 2023 года.
Правительство Республики Тыва
В Республике Тыва двое местных жителей признаны виновными в умышленном причинении тяжкого вреда здоровью односельчанина - Следственный комитет
Фото из открытых источников Собранные следственными органами Следственного комитета Российской Федерации по Республике Тыва доказательства признаны достаточными для вынесения приговора двум уроженцам Тоджинского района,
Следственный комитет
 
Коронавирус
Туберкулез опасен, но излечим! - РЦМП
Этапы лечения от туберкулёза: I. Стационарное лечение. Обязательно госпитализируют: всех впервые выявленных больных туберкулёзом; больных туберкулёзом с бактериовыделением.
РЦМП
ОПРЕДЕЛИТЕ СВОИ ЛИЧНЫЕ ГРАНИЦЫ Почти мгновенно, после того, как люди узнают о заболевании близкого человека, возникает иррациональное чувство вины: «я не смог это предотвратить», «не настоял на посещении врача», «был невнимателен».
РЦМП
 
Культура