Насвай деп чүл? Элээди уругларга ооң хоразы кандыгыл?
Насвайның кол тургузуу дээрге, таакпы болгаш щелочь азы, тодаргайлаарга, чуурган чугай. Ол ышкаш ооң тургузуунда үс, теве көржээ азы дагаа өдээ болгаш өске кезектер. Садып-саарары-биле насвай бичии борбак шариктер азы пластмас чүүл азы порошок ышкаш болур. Өңү хирлиг ногаандан куу-хүрең өңнерлиг болур.
Насвай ажыглаарга, никотин хамаарылгалыг апаар. Удаа-дараа ажыглаарга, психиктиг хамаарылгалыг апаары база бар.
Чамдык улус насвайны анаа таакпыга бодаарга, хора чок деп бодап турар. Ол шын эвес!
Статистика-биле бадытканы болза, насвайны үрде ажыглаанының түңнелинде, аас иштиниң рак аарыглары тыптыр.
Наркологтарның бодалы-биле, шак ол насвай дээр наркотик элээдилерге хоралыг. Ол өзүп орар организмниң күш-шыдал болгаш угаан сайзыралынга элээн хораны чедирип турар.
Насвайны хөйнү ажыглаанының уржуундан, баш мээзиниң багай ажылдаарын, кичээнгейниң кошкаарын, сактып алырын база долгандыр турар делегейни шиңгээдиринге багай салдарны чедирер.
Ооң соонда кижиниң бодунуң кадыы үрелип эгелээр: психиказы үрелир, аймаараан байдал.
Насвайда хөй-ле бүдүмелдер холаан болганда, чүгле никотин хамаарылга тыптыр эвес, а харын-даа өске химиктиг бүдүмелдерден хамаарылга тыптыр. Оон оон-даа күштүг негелде тыптып келир. Насвай наркотиктерже база өске оон-даа күштүг психоактивтиг бүдүмелдерже шилчий бээр хамаарылганы тывылдырар.
Бир эвес силер кадык болур деп бодаар болзуңарза, хоралыг чаңчылдардан ойталаары чугула!
Кым-даа силерниң бодуңар дээш шиитпирни хүлээвес, чүгле силер бодуңар харыысалгалыг силер! Шиитпир чүгле силернии!
Кадык болуңар!
Чуруктарны интернет четкизинден алган.
#ПротивотуберкулезныйДиспансерТыва
#здоровьедетей
#зож
#Неделя_сохранения_здоровья_детей
