Тыва парламентиниң депутаттары болгаш Аппарадының ажылдакчылары Национал парктың эрик чоогунуң девискээрин аштап-арыглаан
Чылыг дүжүп келгени-биле Тыва Республиканың Культура болгаш дыштанылганың национал парыгының эрик чоогунуң кайгамчык чараш девискээри хар болгаш доштан хосталып эгелээн. Ол харның адаанда харыысалга чок улустуң октапкан богу бо-ла чыдар боору харааданчыг. Бөгүн шак-ла ындыг девискээрлерниң бирээзинге Тыва Республиканың Дээди Хуралының депутаттары парламентиниң Аппарадының ажылдакчылары-биле кады субботникти эрттирген.
Бо субботникти «Чаңгыс демниг Россия» партияныӊ «Арыг чурт» болгаш «Чурттап чор мен. Ынакшып чор мен. Чоргаарланып чор мен» деп төлевилелдериниң иштинге эгелээнин демдеглеп каары чугула. Экологтуг акциялар бүгү Тывага болуп эртер.
Ол хевирлиг субботниктер доктаамал болуп эртер, ынчалза-даа мерген угаанныг чоннуң чугаалааны ёзугаар, «Аштап-арыглап турар эвес, а бокталдырбайн турар чер арыг». Ынчангаш Тыва Республиканың Дээди Хуралы (парламентизи) чурттакчыларны бойдуска хумагалыг болурун, арга-арыгларны болгаш парктарны бокталдырбазын кыйгырып тур.
Депутаты и сотрудники парламента Тувы провели субботник на прибрежной территории Национального парка
С потеплением живописный прибрежный участок Национального парка культуры и отдыха Республики Тыва постепенно освобождается от снега и льда. К сожалению, очень часто под этим снегом оказывается мусор, который выбросили безответственные посетители парка. На одном из таких участков и провели сегодня субботник депутаты Верховного Хурала Республики Тыва вместе с сотрудниками Аппарата парламента.
Стоит отметить, что данный субботник инициирован партией «Единая Россия» в рамках проектов «Чистая страна» и «Живу. Люблю. Горжусь». Экологические акции пройдут по всей Туве.
Подобные субботники будут проходить систематически, но, как гласит народная мудрость, «Чисто не там, где убирают, а там, где не мусорят». Поэтому Верховный Хурал (парламент) Республики Тыва еще раз призывает жителей бережно относиться к природе, не засорять леса и парки.
