Республиканың 7 кожуун кезээнде зоналдыг хурал болуп эрткен
Эрзин, Тес-Хем, Таңды, Бии-Хем, Тере-Хөл, Тожу база Каа-Хем кожууннарның төп кожуун эмнелгелериниң удуртукчулары болгаш чагырга черлериниң төлээлери-биле ведомстволар аразының дүүштүрүлге хуралы болуп эрткен. Хуралдың темазы “Республиканың 7 муниципалдыг тургузугларының кезээнде туберкулез талазы-биле эпидемиологтуг байдал болгаш туберкулезту нептерээрин болдурбазы-биле хемчеглер”.
Хурал республиканың кадык камгалал сайыдының бирги оралалкчызы Марианна Кууларның башкарылгазы-биле эрткен.
Тываның Туберкулезка удур диспансериниң улуг эмчизи Олег Кара-Монгуш бодунуң илеткелинде 7 муниципалдыг тургузуглар удуртукчуларының кичээнгейин кожууннарда туберкулез айтырыынче болгаш ведомстволар аразының кады ажылдажылгазы-биле ук айтырыгны шитпирлээринче угландырган. Ылаңгыя чурттакчы чоннуң флюорографтыг шинчилелинче, туберкулез дөзүнүң (үнген чериниң) түңнел дезинфекциязынче, а ол ышкаш эмнээшкинден ойталап турар аарыг улусче база бир черден өске черже көжүп турар пациентилерни шинчилээринче хаара тудары.
Хуралдың ажылының төнчүзүнде түңнелдерни үндүрүп, туберкулез-биле демиселди кады ажылдажылга-биле чорударының шиитпирин хүлээп алган.
#ПротивотуберкулезныйДиспансерТыва #зональноесовещание #борьба_с_туберкулезом #тыва
